Link açıqlığı

Qırımtatar milliy Qurultayınıñ Merkeziy İcra Komiteti reisi Zair Smedlâyev haber etkenine köre, mart 29 künü Qırımnıñ Krasnoperekopsk rayonında yaşağan qırımtatar ailesinde tintüv keçirilmekte.

Onıñ bildirgenine köre, tintüv keçirmek içün, silâlı maskalı adamlar keldi.

«Şimdiki vaqıtta, Krasnoperekopsk rayonınıñ Novoivanovka köyünde yaşağan Midat İsayevniñ evinde tintüv keçmekte. An-ane olıp qalğan, «musafirler» yerli qırımtatarlarğa üç maşnada ve eki gazelde, maske ve silâ ile teşrif buyurdılar», - dep yazdı Smedlâyev Feysbukta.

Vaqianıñ tavsilâtlı malümatı şimdilik yoq. Bu aqta Qırımdaki rus uquq qorçalayıcılarnıñ resmiy izaatları er vaqıt olğanı kibi yoq.

Keçken afta, Qırımda Qurultay delegatlarınıñ evlerinde bir sıra tintüvler keçirildi. Uquq qoruyıcılar bu arketelrni ale daa izaatlamadı.

Bundan evel, Rusiye telükesizlik Şurasınıñ yolbaşçısı Nikolay Patruşev keçirilgen toplaşuv devamında, yarımadada vaziyetniñ destabilizatsiya havfı üküm sürgeni aqqında bildirdi.

Halqara cemaatçılıqlar bir çoq kere Rusiye tarafından işğal etilgen Qırımda insanlarnıñ, daa çoq qırımtatarlarnıñ aq-uquqları bozulğanları aqqında aytıp, Moskvanı böyle bozuvlarnı toqtatmağa çağırdılar. Rusiye nezareti astında bulunğan Qırım akimiyeti mezkür arizalarnı «ziyade arttırılğan» kibi saymaqta.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG