Link açıqlığı

Saatnıñ esas haberi

Kiyev: Ukrainada 1,75 mln ziyade köçip kelgenler qayd etilgen


İçtimaiy siyaseti nazirligi bildirgenine köre, mart 28 kününe Ukrainada 1 mln 574 biñ 901 köçip kelgen insan qayd etildi.

Hızmetniñ malümatlarına köre, Qırımdan ve Donbasstan köçkenler arasında resmiy olaraq 1 403 623 aile keçmekte. 781 biñ aileden ziyade devlet yardımını soradı, 730 biñi bu yardımğa nail oldı. 2016 senesiniñ başına köçkenlerge masraf etilgen paranıñ miqdarı 868 biñden ziyade grivnanı teşkil etti.

Qırım Rusiye tarafından işğal etilgen soñ, biñlerce adamlar esasiy Ukrainağa köçip ketti. Uquq qoruyıcılar, yarımadada yapılğan insan aqları bozulması aqqında defalarca bildirgen ediler.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG