Dubay şeherinde «Qırım.Boysunmağan» adlı ukrain vesiqalı filminiñ taqdimi ötkerildi. Onı Qırım.Aqiqat agentliginiñ jurnalistleri, yarımada Rusiyenen işğal etilgeniniñ yıllığına bağışlap, azırladılar.
Kösterüv teşkilâtçıları olaraq, Arap Emirliklerindeki ukrain kinoklubı oldı, dep bildirdi onıñ reisi Natalya Lısenko.
Filmde vaqialar şaatları, Rusiyeniñ işğalini toqtatmaq içün, yarımadada yapılğan areketler aqqında aytmaqta.
Bundan evel filmniñ taqdimi Pragada, «CrimeanSOS» adlı festivaliniñ çerçivesinde olıp keçti. Bunıñnen bir sırada, «Qırım.Boysunmağan» filmi Litvaniyada, mayıs 26- 29 künleri IX MediaBarCamp tedbiri çerçivesinde kösterilecek.
Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.
