Link açıqlığı

Yılnıñ başında Aqmescit şeherinde içtimaiy - medeniy saasına 1,2 milliard ruble masraf etildi. Bu aqta Rusiye nezareti astında bulunğan Aqmescit memuriyeti bildirmekte.

Böyleliknen, şeher tasil idaresine 781,6 million ruble, sakinleriniñ içtimaiy qoruma ve emek departamentine 432,6 mln., medeniyet idaresine 50,7 mln., gençler, sport ve turizm idaresine 14, 9 mln ruble ayırıldı.

«Şeher memuriyetiniñ struktura bölükleri, içtimaiy - medeniy saasına 809,2 mln ruble, ealiniñ içtimaiy yardımına459 mln ruble, devlet müessiselerine 12,1 mln rublenen temin etildi», - dep aytıla mesacda.

Aynı vaqıtta, memurlarğa ayırılğan maliye boyunca işlerni seneniñ birinci çeriginde ömürge keçirip başlamaq vadesi berildi.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG