Link açıqlığı

Rusiye iç bir şartlarsız Qırım ve Donbas regionlarını Ukrainağa qaytarmaq kerek. Bu aqta Ukrainadaki Amerika Qoşma Ştatlarınıñ sabıq elçisi Jon Gerbst bildirdi, dep ayta Azatlıq Radiosı.

«Bizim fikirimizce, Ukraina territorial mustaqilligini em Donbassta, em de Qırımda saqlamaq kerek», - dep ayttı o, «İnter» telekanalınıñ yayınında.

«Bizim memuriyetimiz, Suriye ve Ukrainanen bağlı deplomatiyalarınıñ farqı olmağanı aqqında defalarca aytqan edi», - izaatlay «İnterfaks - Ukraina» Gerbestniñ sözlerini.

Onıñ qoşma malümatlarına köre, bu işte Amerika Qoşma Ştatlarınıñ ğayreti tolu olmağanını aytmaq mümkün, amma umumen alğanda, Rusiye Federatsiyasına qarşı tizilgen sanktsiyalar mevzusında AQŞ prezidenti Barak Obamanıñ rolü müsbettir.

Amerika Qoşma Ştatları Rusiye ucumına qarşı turğan, Ukrainanıñ baş ittifaqdaşlardan biri olmaqta. Vaşington Ukrainanı diplomatik, maliye ve arbiy ceetten temin etmekte. Moskvağa qarşı ise Avropa Birliginen birlikte bir sıra sanktsiyalarnı kirsetti.

XS
SM
MD
LG