Link açıqlığı

Ukraina prezidenti Petro Poroşenko, mobilizatsiyanıñ 4 dalğasına çağırılğan arbiy hızmetçileriniñ vazefisendinden boşatılması boyunca fermannı imzaladı. Bu aqta, o, memleket telükesizlik ve mudafaa şurasınıñ toplaşuvında bildirdi.

«Devletimizni ağır vaziyette qorçalağan 45000 arbiy hızmetçiler içün pek güzel haberden başlamaq isteyim. Mobilizatsiyanıñ 4 dalğa arbiyleri aqqında söz yürütilmekte. Men 2014 senesi iyülniñ 21 ve 2015 senesiniñ yanvarniñ 14 fermanları boyunca çağırılğan arbiy hızmetçilerini terhis etilmesi boyunca ferman imzaladım», - dep ayttı Poroşenko.

Onıñ sözlerine binaen, terhis etilüvi boyunca ferman ukrain devletiniñ telükesizlik qabiliyetine tesir etmez.

Poroşenkonıñ qoşma malümatlarına köre, keçken senege nisbetten, bu sene muqaveleler tizilmesi tezligi daa çoqtır.

«Muqaveleci asker ATO zonasından tış 7000 grivnâdan az almay, ATO zonasında ise maaşı 11000 grivnanı teşkil ete bile», - dep qoştı Poroşenko.

Ukraina silâlı quvetler baş ştabınıñ yolbaşçısı Viktor Müjenkonıñ bildirgenine köre, nevbetteki mobilizatsiya martnıñ soñunda - aprel başında keçirilecek edi. Bundan evel ise, 4- nci aqını arbiy hızmetçilerinen toldurmaq kerekligi aqqında aytılğan edi, bundan sebep mobilizatsiyanıñ 7 - nci dalğası keçirilecek edi.

Bundan evel, Petro Poroşenko, nevbetteki mobilizatsiya aqqında qararnı almağanı sebebinden, Ukraina Yuqarı Radasına onı yollamağan edi.

Donbassta cenk 2014 senesinden başlap devam etmekte. O vaqıt Ukraina akimiyeti, Donetsk ve Lugansk vilâyetlerinde antiterroristik operatsiyasınıñ keçirilmesini ilân etken edi. Donbass, Donetsk ve Lugansk vilâyetleriniñ bir sıra noqtaları Rusiye askerlerinen işğal etilgen. OON-nıñ malümatlarına köre, 2014 senesinden başlap, Donbassta 9000 ziyade asker elâk oldı, daa 21000 yaralandı.

XS
SM
MD
LG