Link açıqlığı

Saatnıñ esas haberi

Rusiye nezareti astında bulunğan Aqmescit memuriyeti, Aqmescitniñ 300 - den ziyade soqaqlarnı yarıqlatmaq içün kerekli vesiqalar azırlamaqta. Bu aqta şeer memuriyetiniñ matbuat hızmeti bildirmekte.

«Qırım paytahtınıñ 330 soqağı yarıqnen temin etilecegi planlaştırıla. Buña 164 mln ruble kerek olacaq. Keçken sene bu leyhağa köre, Kozlov, Puşkin, Lesâ Ukrainka, Nagornıy aralığı, Reçnaya soqaqları ve Zapadnaya avtostantsiyasınıñ cayav keçiti yarıqnen temin etilgen edi», - dep aytıla mesacda.

Belli olğanı kibi, şimdiki vaqıtta Aqmescitte yarıq keçirilecek yerlerde 21biñ noqta donatılğan.

Aqmescitte elektrik energiyasınıñ yetişmemezligi sebebinden, keçken seneden başlap soqlardaki fenerler muntazam sürette söndürülmekte. Şeerni Fevqulade Vaziyetler hızmetiniñ yarıq küleleri yardımı ile aydınlatmaqtalar.

2015 senesiniñ dekabr 30 kününden başlap, Ukrainadan Qırımğa elektrik energiyasınıñ kelmesi toqtatıldı. Bugünki künde Rusiye tarafından işğal etilgen Qırım kendi generatsiya, Rusiyeden generator tertibatı ve Kubandan yapılğan energo köpüriniñ yardımı ile teminlene. Köpür böyle yükke dayanamay, bundan sebep sıq olğan qazalar yüz bermekte.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG