Halqara bankınıñ «inkişaf politikasına borc - II» adlı leyha çerçivesinde Yaponiya, Ukraina devletine 331 mln. dollar ödünç berdi. Bu aqta Ukraina maliye nazirligi bildirmekte.
Ödünç halqara işbirliginiñ Yaponiyadaki agentligi tarafından taqdim etildi.
«Bu ödünçni almaq içün, Ukraina 10 qurulış islâatnı ömürge keçirmek kerek edi. Olarnıñ arasında bergi çuqurnıñ yoq etilmesi, gaz saasını islâat etilmesi, bücetniñ masrafı ve kelirini nezaret astında tutacaq tesirli mehanizmlerniñ meydanğa ketirilüvidir», - dep aytıla mesacda.
Maliye Ukraina devlet bücetiniñ umumiy fondınıñ esabına kelecek. «Böyleliknen, alınğan paralar devletniñ eñ büyük ihtiyaclarını, olarnıñ arasında içtimaiy masraflar ve esas reformalarnı qapata bile», - dep qoştılar nazirlikte.
Fevral ayında Ukraina Yuqarı Şurası, Yaponiyanen devletke 300 000 000 dollarnıñ ayırılmasınen bağlı añlaşma tizdi. Bu paralar Ukrainanıñ iqtisadiy reformalarını ömürge keçirmek içün yardım eter. Añlaşma 2015 senesi dekabr 4 künü Kiyev şeerinde imzalandı.
