Link açıqlığı

Qırımda elektrik mart 30 kününe qadar sıñırlı olacaq. Bu aqta «Krımenergo» şirketiniñ matbuat hızmeti bildirmekte.

«Elektrik ağlarınıñ tamir işleri devam etkeni sebebinden, 2016 senesiniñ mart 30 künü, Qırım boyunca operativ limiti 380 MVt qadar qısqartılacaq. Hatırlatamız, yarıq eñ çoq mart 24, 25 künleri kesilecek», - dep aytıla mesacda.

«Krımenergo»da qayd etkenleri kibi, bu vaqıtqa sanayı işhaneleri, orta ve kiçik biznes müessiseleri, elektrik naqliyatı ve başqa içtimaiy ceetten emiyetli, strategik taraftan müim olmağan istimalcılar yarıqtan kesilecek.

Qırım fevqulade vaziyetler nazirliginde haber etkenlerine köre, mart 24 künü, elektrik 105 MVtqa qadar sıñırlı olğanı sebebinden, Aqmescit boyunca bütün ocaqlar söndürülgen edi.

Keçken afta Qırımda yarıq kesilmesini yañı tolqunı başlandı.

2015 senesiniñ dekabr 30 kününden başlap, Ukrainadan Qırımğa elektrik energiyasınıñ kelmesi toqtatıldı. Bugünki künde Rusiye tarafından işğal etilgen Qırım kendi generatsiya, Rusiyeden generator tertibatı ve Kubandan yapılğan energo köpüriniñ yardımı ile teminlene. Köpür böyle yükke dayanamay, bundan sebep sıq olğan qazalar yüz bermekte.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG