Link açıqlığı

Aqmescitte, eki kün devamında internet bölünüvnen çalışa bile. Qırım.Aqiqat agentligi añlatqanı kibi, bazı qullanıcılar provayderlerden mütenasip tenbiyelevlerni almaqtalar.

Belli olğanı kibi, işniñ bölünüvi ya da bağnıñ kesilmesi, «Krımenergo» nıñ tamir işleri ve Qırım içün yarıq sıñırlı olğanı sebebinden ola bile.

Bundan evel, «krımenergo» haber etkenine köre, Qırımda elektrik ağlarnıñ tamir işleri keçirilgeni ve yarıq sıñırlı olğanı içün, yarımadada mart 19-26 künleri elektrik daa sıq kesilecek.

Qırım fevqulade vaziyetler nazirliginiñ baş komiteti bildirgenine köre, mart 24 künü Aqmescitniñ bütün ocaqları söndürülecek. Şeer boyunca berilgen yarıq 105 MVt - ni teşkil etmekte.

Keçken afta Qırımda yarıq kesilüviniñ yañı dalğası başlandı.

2015 senesiniñ dekabr 30 kününden başlap, Ukrainadan Qırımğa elektrik energiyasınıñ kelmesi toqtatıldı. Bugünki künde Rusiye tarafından işğal etilgen Qırım kendi generatsiya, Rusiyeden generator tertibatı ve Kubandan yapılğan energo köpüriniñ yardımı ile teminlene. Köpür böyle yükke dayanamay, bundan sebep sıq olğan qazalar yüz bermekte.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG