Ukrain tışqı işler boyunca Nazirligine Brüsselde olıp keçken qaza neticesinde, yaralanğanlar arasında ukrainliler olğanı aqqında malümat kelmegen. Bu aqta hızmetiniñ feysbuk saifesinde bildirilmekte.
«Ukraina TŞN-ne Brüsseldeki patlavlarnıñ qurbanları arasında ukrainliler olğanı aqqında malümat kelmedi. Belçikadaki Ukraina elçihanesi toqtamayıp, Belçika uquqçıları ile ve krizis merkezinen bağ tutmaqta. 18:30 saatine bir de bir malümat kelmegen», - dep aytıla mesacda.
Brüsselde, mart 22 künü, ucum neticesinde eñ azı 34 insan elâk oldı, daa 187 yaralandı, olarnıñ çoqusı kritik alda qalmaqta.
Salı künü Brüsselde eki patlama yüz berdi. Biri avalimanında, ekincisi «Malbek» metro stantsiyasında olğan, belli ki, şu yerlerniñ yanında avropa institutleri yerleşmekte.
Brüsseldeki ucumler boyunca mesülietini öz boynuna «İslam devleti» adlı gruppirovka aldı.
