Link açıqlığı

Brüsselde patlav qurbanlarınıñ sayısı 28 qadar ösken


Brüsselden kelgen malümatlarğa köre, şeherniñ metrosı ve avalimanında yüz bergen patlavlarda eñ azı 28 insan qurban olğan.

Brüsselniñ naqliyat hızmeti bergen malümatlarına binaen, «Malbek» stantsiyasında patlav neticesinde 15 insan elâk oldı. Matbuat vastaları bergen malümatlarğa köre, avalimanında olğan patlav neticesinde daa 13 insan öldi. Akimiyetniñ qaydlarına köre, eki patlavdan bir tanesi, özüni patlatqan adamnıñ sebebinden oldı.

Brüsselniñ avalimanını ve içtimaiy naqliyatlarını qapattılar. Belçika akimiyeti yerli sakinlerine evden çıqmamağa rica eteler.

Devlet naziri Şarl Mişel bu ucumlarnı «kör, zorbalıqnen yapılğan ve qorqaq» kibi adlandırdı. Başqa memleketlerniñ akimiyetleri avalimanlarda ve başqa müim içtimaiy noqtalarda nezaretni quvetleştirdiler.

Belçikanı, terroristik havfı ceetten, eñ yüksek derecege köterdiler.

Ukraina Tışqı İşler nazirliginde haber etkenleri kibi, yaralanğanlar arasında ukrainlerniñ olması teşkerilmekte.

Küzde Parij şeherinde yüz bergen patlavlardan soñ, Belçika terroristik telükesi dairesinde üçünci derecede tura edi.

XS
SM
MD
LG