Link açıqlığı

Qırımdaki Rusiyeniñ mahsus hızmetleri, mart 22 künü Qurman qasabasında yaşağan regional meclisi reisi Uçqun Devletşayevniñ evinde tintüv keçirdiler. Bu aqta qırımtatar milliy Qurultayınıñ İcra komiteti reisi Zair Smedlâyev bildirdi.

«Bunıñnen bir sırada saat 8 - den 11 - ge qadar, Qurman qasabasında yaşağan regional meclisi reisi Uçqun Devletşayevniñ evinde de tintüv keçti. O, bu vaqıt işte edi, ömür arqadaşına ise telefon açmağa bile razılıq bermediler! », - dep yazdı Smedlâyev feysbuk saifesinde.

Mart 22 künü, Qırımda Sudaq şeherinde Şevket Usmanov, Canköy rayonında Remzi Muratov Qurultay delegatlarınıñ evlerinde tintüvler olıp keçti.

Bu aqta Qırımdaki rus uquq qorçalayıcılarnıñ resmiy izaatları berilmey.

Tintüv arfesinde Rusiye telükesizlik Şurasınıñ yolbaşçısı Nikolay Patruşev keçirilgen toplaşuv devamında, yarımadada vaziyetniñ destabilizatsiya havfı üküm sürgeni aqqında bildirdi.

Halqara cemaatçılıqlar bir çoq kere Rusiye tarafından işğal etilgen Qırımda insanlarnıñ, daa çoq qırımtatarlarnıñ aq-uquqları bozulğanları aqqında aytıp, Moskvanı böyle bozuvlarnı toqtatmağa çağırdılar. Rusiye nezareti astında bulunğan Qırım akimiyeti mezkür arizalarnı «ziyade arttırılğan» kibi saymaqta.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG