Link açıqlığı

Qırımtatar milliy Meclisi yolbaşçısı Refat Çubarov haber etkeni kibi, mart 22 künü o, Jenevada insanlar uquq qoruması boyunca Birleşken Milletler Teşkilâtı komissarınıñ Yuqarı İdaresinde taqdim etilecek maruzanıñ muzakere etilmesinde iştirak etecek. Bu aqta o, Feysbuk saifesinde yazdı.

«Kene Börispol...Bugün Jenevağa ketem, anda insanlar aq-uquqları boyunca OON komissarınıñ Yuqarı idaresiniñ 13 - ci maruzası taqdim etilecek. Muzakerede iştirak etecem», - dep yazdı Çubarov.

Qırım Rusiye tarafından işğal etilgen soñ, yarımadada ukrain ve qırımtatar halıqına qarşı repressiyalar keçirilip başladı. Human Rights Watch uquq qoruyıcı teşkilâtı mart 18 künü, Rusiye akimiyeti Qırımda qorqu ve repressiyalar müitini teşkil etkeni aqqında ayttı. Olarnıñ qaydlarıne köre, işğalden soñ yarımadada toplaşuv, izaat ve haberleşme mustaqilliginiñ saası qısqartılğan.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG