Link açıqlığı

Saatnıñ esas haberi

Qırımtatar milliy Qurultayı Merkeziy İcra Komitetiniñ yolbaşçısı Zair Smedlâyev haber etkeni kibi, mart 22 sabası uquq qoruyıcılar Qurultay delegatı Remzi Muratovnıñ evinde tintüv keçirmekteler.

«Şimdiki vaqıtta, Canköy rayonında yaşağan Qurultay delegatı Remzi Muratovnıñ evinde tintüv keçmekte. Bese - belli, Yaltada terrorizmenen mucadele boyunca keçirilgen toplaşuv neticesidir», dep yazdı Smedlâyev Feysbuk saifesinde.

Tavsilâtlı malümat berilmemekte. Qırımdaki rus uquq qorçalayıcılarnıñ resmiy izaatları yoq.

Tintüv arfesinde Rusiye telükesizlik Şurasınıñ yolbaşçısı Nikolay Patruşev keçirilgen toplaşuv devamında, yarımadada vaziyetniñ destabilizatsiya havfı üküm sürgeni aqqında bildirdi.

Halqara cemaatçılıqlar bir çoq kere Rusiye tarafından işğal etilgen Qırımda insanlarnıñ, daa çoq qırımtatarlarnıñ aq-uquqları bozulğanları aqqında aytıp, Moskvanı böyle bozuvlarnı toqtatmağa çağırdılar. Rusiye nezareti astında bulunğan Qırım akimiyeti mezkür arizalarnı «ziyade arttırılğan» kibi saymaqta.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG