Rostov vilâyetiniñ Donetsk şeher makemesiniñ makemecisi Leonid Stepanenko, Nadejda Savçenkonıñ cinaiy işinde tenefüs ilân etip, Üküm çıqarılması mart 22 saat 10:00 devam etecegi aqqında bildirdi.
Makeme ükmü mart 21, saat 10:00 başlandı.
Mart 21 künü, Donetsk şeherinde keçirilecek makeme oturışına yol alğan PACEdeki Ukraina delegatı İrina Geraşçenko ve başqa deputatlarnı Rusiyege keçirmediler.
Geraşçenko bildirgenine köre, o, «Rusiye territorial bütünligine, grajdanlarnıñ sağlığına, Rusiye mudafaa qabiliyetine telüke ketire bile», bu sebepten, uquq qoruyıcılar añlatqanı kibi, oña 2012 senesine qadar Rusiyege kirmege yasaq ettiler.
Bunıñnen bir sırada, tenefüslerden biri bitken soñ, ukrain delegatsiyası, oturış salonına kirsetilmegen.
Nadejda Savçenko 2014 senesiniñ iyül ayından başlap, Rusiyeniñ apisinde, yapılğan cinaiy iş boyunca bulunmaqta. Savçenkonı Ukrainada qanunsız bulunğan, rusiye devlet televideniyesınıñ eki hadiminiñ öldürmesinde, separatist gruppasınıñ suiqast öldürmesinde ve qanunsız Rusiye sıñırını keçmesinde qabaatlaylar.
Savçenko ve onıñ menfaatını qoruğan advokatlar makemege rus jurnalisterniñ elâk olğan vaqıtqa Savçenko separatistlerniñ esirinde bulunğanı, soñra ise isteksiz Rusiyege alıp çıqarılğanı aqqında bir çoq dalil ketirdiler.
Nadejda Savçenko dekabr ayından başlap açlıqnı ilân etken edi, mart 4-10 künleri quru açlıqqa keçken edi.
