Ukrain rejissörı ve aktörı Ahtem Seytablayev «Onıñ yüregi» adlı filmini 2016 senesiniñ iyün ayında çıqarıp başlamağa planlaştıra. Bu aqta o, Qırım.Aqiqat agentligine bildirdi.
«Şimdi azırlıq zamanı. İyün ayında çıqaruv Gürcistan, İsrail ve Ukrainada olıp keçecek», - dep ayttı o. Rejissörnıñ qayd etkenine köre, filmniñ stsenarii azır, oyuncılarnıñ kastingi devam etmekte.
2015 senesiniñ dekabr ayında Seytablayev, «Onıñ yüregi» serlevalı film üzerinde çalışmalar başlağanı aqqında ilân etken edi. Eserniñ süjeti boyunca, vaqialar Qırımda, Ekinci Cian cenki vaqıtında olıp keçe. Film kerçek vaqialar esasında tizilgen. Onıñ baş qaramanı Saide Arifova, natsistler Qırımnı işğal etken vaqıtta yeudi balalarnı ölümden qurtarğan. Filmniñ umumiy büceti 31 million grivnanı teşkil etmekte. Olardan 10 millionını kino boyunca Devlet agentligi berecek, qalğanı - şahsiy paralardır. Eserniñ prodüsserleri olaraq İvanna Dâdüra ve Andrey Yarmaq çıqtılar.
