Link açıqlığı

Rusiyede jurnalistlerniñ mustaqil zenaat birligi meydanğa ketirildi. Teşkilâtçılarnıñ arasında «Slon», «Mediazona», «Znak.com», «RBK» ve «Novaya gazeta» internet neşirleri bar. Bu aqta Azatlıq radiosı bildirmekte.

Jurnalistlerniñ mustaqil zenaat birligini teşkil etmek qararı, mart 9 künü İnguşetiya ve Çeçenistan sıñırında olıp keçken ucumdan soñ alındı. Belli olğanı kibi, belgisiz şahıslar «Qıynav toqtatma boyunca Komiteti»niñ uquq qoruyıcılarına, rus ve ecnebiy jurnalistlerge ucum ettiler. O vaqıt sekiz adam yaralanğan edi, olarnıñ dörtü hastahanede yattı. Uquq qorçalayıcı ve jurnalistler qullanğan araba yaqılğan edi.

Kremlde bu ucumğa çirkinlik, dep ayttılar.

XS
SM
MD
LG