Qırımda, qırımtatar mütefekkiri İsmail Gasprinskiyniñ «Rusiye, Ğarp ve müslüman dünyası» adlı maqaleler cıyıntığı neşir etildi. Bu aqta Rusiye nezareti astında bulunğan, Qırım milletlerara munasebetleri boyunca devlet komitetiniñ matbuat hızmeti bildirmekte.
«Müellif, müslüman dünyası Rusiyenen bir taraftan, Ğarpnen başqa taraftan bağlı olğan meselelerniñ açıqlamasınen, bunıñnen bir sırada keçmiş ve şimdiki zaman (maqaleler yazılğan vaqıt aqqında söz yürütilmekte) sualleriniñ talili miqyasınen ve öz mearetliginen airette qaldıra. Acayip, amma mütefekkirniñ bir çoq izaatları, şimdiki vaqıtta Yaqın Şarqta üküm sürgen siyasiy vaziyette, pek aktual körünmekte», - dep yazıla neşirniñ annotatsiyasında.
«Rusiye, Ğarp ve müslüman dünyası» adlı kitabınıñ taqdim merasimi mart 22 künü, qırımtatar cemaatçı, siyasetçi, publitsist ve mütefekkir İsmail Gasprinskiyniñ doğğanına 165 yıl tolğanı çerçivesinde keçirilecek.
