Mart 19 künü İstanbul şeherinde olğan patlav neticesinde, 5 insan elâk oldı, olarnıñ arasında özüni patlatqan adam, eñ azı 36 yaralanğan, olarnıñ arasında 12 adam çetel memleket vatandaşlarıdır.
Bundan evel Doğan agentligi bergen haberlerge köre, İsrailniñ üç vatandaşı zarar kördi. Tasdıqlanmağan malümatlarğa binaen, yaralanğan ecnebiyler arasında İrlandiya, Almaniya, İslandiya, İran, OAE - niñ vatandaşları bar. Belli olğanı kibi, olardan bazıları kritik alda qalmaqta.
İstanbuldaki Ukraina baş konsuıl bildirgenine köre, yaralanğan adamlar arasında Ukraina vatandaşları yoqtır.
Frenkistan tışqı işler nazirliginiñ naziri Jan - Mark Eyro, soñki vaqialarnı «qorqaq ve yüreksiz», - dep adlandırğan, Amerika Qoşma Ştatları, Türkiye halqına öz taziyelerini Twitterde bildirdi.
İstanbuldaki ücüm Ankarada olğan terakttan soñ nevbetteki oldı. Mart 13 aqşam, Türkiye paytahtı Ankara şeherinde patlav neticesinde eñ azı 37 insan elâk olğan. Bundan üç afta evel aynı şehede buna beñzegen ucum yapılğan edi, o vaqıt 29 adam vefat etken. Eki terakt içün, mesülietni öz boynuna Türkiyede yasaq etilgen «Kürdistan iş fırqası» teşkilâtından çıqqan «Kürdistan azat etüv qırğıyleri» adlı gruppirovkası aldı.
