Link açıqlığı

İstanbulda terakt: 5 insan elâk oldı, 20 yaralandı


Turkiyeniñ İstanbul şeherinde, Beyoğlu rayonınıñ memuriyeti binasınıñ yanında bir terrorist özüni patlatqan. Neticede, beş insan elâk olğan, yigirmisi yaralanğan, üçüniñ sağlıq vaziyeti kritik alda.

Anadolu agentligi haber etkeni kibi, bu aqta İstanbul gübernatorı Vasip Şahin bildirdi.
Şimdiki vaqıtta, patlav yüz bergen yerde politsiya hadimleri taqiq keçirmekte. Bu işke uçaqlar da celp etildi.

Gübernatornıñ sözlerine binaen, canlı bomba rayon memuriyet binası ögünde patladı. Bunıñnen bir sırada, başqa rayonlarda yüz bergen patlavlar aqqında malümatnı red etti.
«İçtimaiy ağlarda Nişantaşı, Bayrampaşa ve başqa rayonlarda da patlav olğanı aqqında malümatnı tarqatalar. Bu haberler kerçek degildir»,- dep añlattı Şahin.
Radio ve televideniye boyunca Yuqarı Şura, İstanbulnıñ Beyoglu meydanında olıp keçken terakt aqqında haberni yayınğa bermemege qarar aldı. Bu yasaq facia olıp keçken yerden canlı yayın, fotoresim ve videolevhalarnen bağlı.
Aynıñ başında Ankarada yüz bergen patlavnıñ neticesinde 37 insan elâk olğan.

XS
SM
MD
LG