Qırımdaki yollarnıñ tamir etilüvine 1,5 mlrd ruble ayırmağa vade eteler. Mezkür qarar Moskva nezareti astında bulunğan Qırım akimiyeti tarafından alındı.
Vesiqada belgilengeni kibi, belediyelerge tamir işleri, qurucılıq, rekonstruktsiya, yerli yollarnıñ tamirinen bağlı bücetara transferler aqqında haber etildi. Olar, öz başına yol faaliyetiniñ birinci nevbetteki tedbirlerniñ cedvelini tizecekler.
Hızmette qayd etkenlerine binaen, yerli akimiyet öz qararına köre, tamir işleriniñ vaqıtını ve keifiyetini belgilecek.
Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.
