Link açıqlığı

Rusiye nezareti astında bulunğan Aqmescit şeher memuriyeti haber etkeni kibi, mart 18 kününden başlap, avalimanına ketken «Merkeziy» adlı trolleybus marşrutı öz işini toqtatacaq.

«Yañı trolleybus ağınıñ qurulıvı ve montaj etilüvi, bunıñnen bir sırada yañı pavilyonnıñ qurulması sebebinden, avaliman tarafına ketken «Merkeziy» trolleybus naqliyatı mart 18 kününden başlap, eki afta devamında çalışmaycaq», - dep aytıla memuriyet mesacında.

Berilgen malümatlarğa köre, belgilengen vaqıtqa yolcular, Aeroflotskiy qasabasında yerleşken «Gastronom» adlı durağından areket ete bilecekler.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG