Link açıqlığı

Amerika Qoşma Ştatlarındaki Birleşken Milletler teşkilâtınıñ daimiy Vekili Samanta Pauer bildirgeni kibi, Qırım daima Ukrainanıñ bir qısmı olğan ve öyle de qalacaq. Bu aqta o, ukrain yarımadasınıñ işğali yıllığı munasebetinen keçirilgen OON toplaşuvında ayttı.

«Aqıp ketken zaman, Qırım Ukraina qısmı olğanı faktını iç te deñiştirmey. Yarımada mustaqil Ukrainanıñ terkibinde edi ve öyle de qalacaq», - dep izaatlay Samantanı matbuat hızmeti.

Pauer qayd etkeni kibi, işğal etici akimiyet qavmiy ve diniy azlıqlarınıñ aq-uquqlarını bozmaqta.

«Qırımda nişan olğan tek qırımtatar halqı aqqında aytmayım, mında daa keniş daireni köz ögüne almaq kerek», - dep qayd etti Amerika Qoşma Ştatlarındaki OON vekili.

2014 senesi mart - fevral ayında Rusiyeden ve Rusiye Qara deñiz flotınıñ qırım bazalarından keçirilgen belgileri olmağan ordular Qırım yarımadasını işğal etti.

2014 senesi mart 16 künü, Qırımda ve Aqyar şeherinde dünyanen tanılmağan referendum keçirildi. Onıñ neticesinde Rusiye Qırımnı öz terkibine kirsetti. Ne Ukraina, ne Avropa Şurası, ne de Amerika Qoşma Ştatları mezkür saylavnı qabul etti.
Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG