Link açıqlığı

Mart 19 - 26 künleri devamında, Qırımda elektrik ağlarnıñ tamir işleri yapılacağı sebebinden, yarımadada elektrik sıñırlı olacaq.

Bu aqta, mart 17 künü, Kreml nezareti astında bulunğan Qırım akimiyetiniñ matbuat hızmeti bildirdi.

Mart 19 - 20 künleri peretok 250 MVt, mart 21 - 23, 26 künleri 380 MVt, mart 24 - 25 künleri 200 MVt qadar tüşecek.

«Belli etilgen künleri, sanayı işhaneleri, küçük ve orta biznesniñ müessiseleri, elektro naqliyat ve başqa içtimaiy emiyeti olmağan yerlerde elektrik energiyası sıñırlı olacaq», - dep aytıla mesacda.

Qırımda 2015 senesiniñ dekabr 30 kününden başlap Ukrainadan elektrik berilmesiniñ toqtatılması sebebinden Fevqulade Vaziyet kirsetilgen. Herson vilâyetinde yerleştirilgen elektrotayamanıñ ihtimal patlavı sebebinden Ukrainadan Qırımğa elektrik energiyasınıñ kelmesi toqtatıldı. Şimdiki vaqıtta Qırımğa 250 megavat bergen elektrik keçirme ağı tamir etilgen, lâkin yarımadağa onıñ temin etilmesi añlaşma bitkeni içün berilmey.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG