Link açıqlığı

Kremlniñ nezareti astında bulunğan Aqmescit rayon makemesi, Yalta şeerinde maşnalarnıñ ateşke berüvi boyunca işniñ mabüsi Muyedin Alvapovnı apiste qaldırmağa qarar aldı. Bu aqta, Qırım.Aqiqat agentligine qırımtatar milliy Qurultayınıñ Merkeziy İcra Komitetiniñ reisi Zair Smedlâyev bildirdi.

«Apiste bulunma vaqıtını mayıs 9 - na qadar uzattılar. Deliller deñişmegen: saqlana bile, taqiqatqa sıqıştırma yapa bile, - deyler», - dep ayttı o.

Smedlâyevniñ qayd etkenine köre, makemeciler iç bir delil aqqında aytmay.

Yanvar 24 künü Muyedin Alvapovnı yaqalağanı aqqında qırımtatar milliy Meclisi yolbaşçısınıñ muavini Nariman Celâl bildirgen edi. Onıñ qaydlarına köre, cinaiy iş boyunca, şeklengen şahıslar arasında Muyedinniñ ağa - qardaşı Mustafa da bar, o ise, şimdiki vaqıtta esasiy Ukrainada bulunmaqta. Celâlnıñ sözlerine binaen, Alvapovnıñ qorantası, milletimizniñ faallerindendir, bu sebepten yigitlerni siyasiy baqışları içün taqip ete bileler.

Yanvar 25 künü Yalta şeer mahkemesi qırımtatar faali Müedin Alvapovnı mart 23-ne qadar apiske aldı.

Yaltada maşnalarnı ateşke berüvinde şeklengen üç insannı yaqaladılar. Müedin Alvapovnı «mülkniñ aselet yoq etüvi ya da bozuluvı»nda şekleyler. Bu maddege köre beş yıllıq apis cezası belgilene.

Alvapovnıñ tuvğanları, onıñ qabaatsızlığında eminler.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG