Link açıqlığı

Qırım Diniy idaresinde Şeriat qanunları boyunca tatlı aşlarınıñ yapılmasına razı oldılar


Rusiye nezareti astında bulunğan Qırımnıñ ve Aqyar şeheriniñ Diniy idaresi, «Elâl» sertifikatsiya ve standartizatsiyası boyunca komissiyası, çalıq baquvdan soñ, Aqmescitteki «Bravo - Çempion» adlı şekerleme fabrikasına «elâl» keifiyet sertifikatınıñ bermesi boyunca qarar aldı.

Bu aqta Qırım Müftüliginiñ matbuat hızmeti bildirmekte.

«Şekerleme fabrikasınıñ odaları ve donatmaları Şeriat qaidelerine uyğundır. İstisalcılar, tatlı aşlarınıñ pişirmesinde Şeriatnıñ kerekli qaidelerini bileler. Qullanılğan aşayt qoşmaları ve maddeleri islâm dininiñ qaidelerine uymaqta. Müslümanlar istisal etilgen mahsulatnı qullana bileler», - dep aytıla mesacda.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG