Link açıqlığı

Mart 18 ve 19 künleri, Pragada «CrimeanSOS» adlı hayriyet festivali ötkerilecek. Onıñ çerçivesinde teşkilâtçılar Qırımda rus orduları tarafından keçirilgen operatsiyalar aqqında tarif etmek niyetindeler. Bu aqta Feysbuk saifesinde aytılmaqta.

Tedbirniñ teşkilâtçıları aytqanına köre, Qırım yarımadası tarihı ve onıñ tamır qırımtatar halqı, Meclis liderleriniñ çıqışta bulunuvları, Rusiye tarafından işğal etilgen Qırımnıñ yaşayış vaziyeti, yarımadada insan uquqları bozulıvı, Qırımdaki siyasiy mabüslerniñ qorçalavına keçirilgen aktsiyalar, olarnıñ arasında Öleg Sentsov ve Aleksandr Kölçenko aqqında lektsiyalar ötkerilecek.

Mart 17 künü, «CrimeanSOS» festivaliniñ çerçivesinde, qırımtatar milliy Meclisi yolbaşçısı Refat Çubarov Karlov universitetiniñ felsefiy fakultetinde çıqışnı planlaştırdı.

Bunıñnen bir sırada, Öleg Sentsovnıñ işiniñ vesiqaları boyunca yapılğan «Pomolvka» adlı spektaklniñ premyerası planlaştırıldı. Mezkür spektaklni «Teatr.dok» adlı moskva teatr truppası kösterecek. Tarihçı Gülnara Bekirova qırımtatarlarnıñ 1944 senesi sürgün etilmesi boyunca lektsiyanı oquycaq, mart 19 künü ise Mir meydanında qırımtatarlarğa destek köstermek içün, miting ve yürüş ötkerilecek.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG