Turizm boyunca federal agentligi, salı künü «Coral Travel», «Aneks Tur», «Pegas» ve daa bir sıra müessiselerini yekâne cedvelge qaytardı. Belli olğanı kibi, olar, 2015 senesiniñ dekabr ayında Türkiyege qarşı kirsetilgen sanktsiyalar çerçivesinde cedvelden çıqarılğan ediler.
24 müessiseniñ cedvelge qaytaruvınıñ sebepleri açıqlanmadı.
2015 senesiniñ dekabr 30, Rusiye turizmi haber etkeni kibi, turk biznesinen bağlı 19 turistik teşkilâtı federal reyestrden çıqarılğan. Bu müessiseler arasında «Pegas», «Coral Travel», «Sunmar tour» ve «Aneks tur» qayd etilgen edi. Keçenlerde ise, Rusiye akimiyetiniñ 2016 senesi yanvar 1 künü ömürge keçirgen cedveline köre, Türkiye vatandaşları tarafından idare etilgen türk teşkilâtlarını ve müessiselerini işke celp etmege yasaq etilgen edi. Mezkür reyestrge turistik teşkilâtlar ve musafirhaneler de kirgen edi.
Eki devlet arasında munasebetler kerginleşkeni sebebinden, Rusiye Türkiyege qarşı bir sıra sanktsiyalar tizdi. Bundan soñ Moskva tarafından tayin etilgen Qırım yolbaşçısı Sergey Aksönov, işğal etilgen yarımada çetel kurortlarğa alternativa olmağa azır olğanını ilân etti.
