Link açıqlığı

Moskva nezareti astında bulunğan Qırım akimiyetiniñ yolbaşçısı Sergey Aksönov bildirgenine köre, Qırımda kurort mevsimi muvafaqiyetli olması içün, «turistik saasında yüksek dereceli nezaketni köstermek kerek».

«Qırımlılar nezaket ve dostane munasebetlerini köstermegence, bizim regionımız tursitler içün iç bir vaqıt özüne çekici olmaz. Biz ise, yahşıdan yahşısı olmaq kerekmiz...Bizim biznesimiz aynı bu yönelişte çalışmaq kerek. Elbette, avalimanına kelgen turistni külerüzlü ve samimiy adamlar qarşılasa, onıñ bam - başqa munasebet ve fikirleri olur. Bazıda, insanğa aytılğan bir güzel söz, onıñ noqta-i nazarını tolusnen deñiştire bile. Hususan, bu aqta devlet müessiselerinde çalışqanlar unutmamaq kerekler», - dep ayttı Aksönov «Krımskiy jurnal» neşirine.

Aksönovnıñ sözlerine köre, «Qırım kurort, diagnostika, tıb, kezinti kibi hızmet saalarında birincilikni elde etmek kerek». «Qırımda er bir turistniñ qazanması içün küreş etecekler», - dep qoştı o.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG