Link açıqlığı

Qırımtatar halqınıñ işleri boyunca Ukraina elçisi, milliy lider Mustafa Cemilev aytqanına köre, Rusiyege qarşı sanktsiyalarnıñ quvetleştirüvi Qırım qaytarılmasında yardım eter.

«Qırımnıñ qaytaruv meselesinde, Rusiye nasıl mevamda olmasa bile, muzakere masası başına oturmaq kerek. Amma şimdi olar Qırımnı Rusiye Federatsiyasınıñ qısmı olaraq tanımaqtalar, böyle vaziyette müzekere etilecek şey yoq. Amma olar büyük ağrını, inanılmaz ağrını is etken soñ, masa başına oturıp laf etmege isterler. Buña ketirecek yol ise, sanktsiyalarnıñ quvetleştirüvidir» - dep izaatlay Cemilevnı onıñ matbuat hızmeti.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG