Link açıqlığı

Ukraina yolbaşçıları prezident Petro Poroşenko ve baş - nazir Arseniy Yatsenük, Türkiyeniñ paytahtı Ankara şeherinde mart 13 yüz bergen terakt sebebinden öz taziyelerini bildirdiler.

«Ankaradaki ucum haberi meni şok alına ketirdi. Terror aqlanmaq degil, maküm etilmek kerek. Ukraina Türkiye ve onıñ halqı ile beraberdir», - dep yazdı Poroşenko Twitterde.

Yatsenük, Ukraina akimiyeti adından «elâk olğan ve yaralanğanlarnıñ ailelerine teren taziyelerini bildirip, türk akimiyetine terrorizm ve tışqı havfınen mucadelede qattı destek kösterdi».

Ukraina iç işler nazirligi, ölgen ya da yaralanğanlar arasında ukrain vatandaşları olğanı malümatını teşkermekteler.

Berilgen soñki resmiy malümatlarğa binaen, bazar künü Ankarada olıp keçken ucumnıñ qurbanları arasında eñ azı 34 kişi elâk oldı, 125 - şi yaralandı, olardan 19 - zı kritik alda qalmaqta. Büyük ihtimal, bombalarnen toldurılğan araba patlağan soñ, yanında olğan daa bir qaç naqliyat yanıp başladı. Mesülietni boynuna daa kimse almadı.

XS
SM
MD
LG