Ankarada yüz bergen patlav qurbanlarınıñ fotoresimleri içtimaiy ağlarda tarqatılıp başlağanı sebebinden, mart 13 künü Türkiye makemesi, Feysbuk ve Twitterge kirişni tosmenge tutmağa qarar aldı.
CNN Turk ve NTV news bildirgenleri kibi, Türkiyede içtimaiy ağlarnıñ bazı qullanıcıları saytqa kirip olamay.
Keçenlerde, terroristlerniñ esirine oğrağan turk prokurorınıñ içtimaiy ağlarda fotoresimleri tarqatılıp başlağanı sebebinden, Türkiyede Twitter, Feysbuk ve YouTube kanalına kiriş qapatılğan edi.
Bunıñnen bir sırada 2014 senesi mart ayında, yerli seçimler arfesinde, içtimaiy ağlarda, o vaqıt nazir olğan Recep Tayip Erdoğannıñ sanki qabarcılığını tasdıq etken audiolevha peyda olğan edi. O vaqıt Twitter ve YouTube aynı şekilde qapatılğan edi.
Berilgen soñki resmiy malümatlarğa binaen, bazar künü Ankarada olıp keçken ucumnıñ qurbanları arasında eñ azı 34 kişi elâk oldı, 125 - şi yaralandı, olardan 19 - zı kritik alda qalmaqta.
