Türkiye akimiyeti, Ankara şeheriniñ merkezinde, avtobus durağında yüz bergen patlav neticesinde 27 insan elâk olğanı, 75 insan yaralanğanı aqqında haber etti. Patlav mart 13, bazar künü, aqşam olıp keçken.
Azatlıq Radiosı bildirgenine köre, başta terroristlerniñ arabası patladı, soñra ise, daa bir qaç naqliyat yanıp başladı.
Mesülietni boynuna daa kimse almadı.
Patlav yüz bergen yerde bir qaç akimiyet binaları ve nazirlikler yerleşmekte.
Bundan evel bazar künü, Ankaradaki patlav sebebinden 5 insan elâk olğanı aqqında haber etken ediler. Bir ay evel ise, turk paytahtında yüz bergen patlav, aman-aman 30 insannıñ ayatlarını aldı, 60 - şı yaralanğan edi. O vaqıt Türkiye akimiyeti şeherdeki telükesizlik tedbirleriniñ küçleştirmesi aqqında söz yürütken edi.
