Link açıqlığı

Qırımda reberiyetniñ emiri ile azbar hızmetçisi Şevçenko eykelinden çiçeklerni cıyıştıra - jurnalist


Rusiye nezareti astında bulunğan Qırımda, kommunal hızmetleriniñ işçileri ukrain şairi Taras Şevçenkonıñ eykeli ögünde turğan gülçemberlerini yoq eteler. Olar ise kün devamında qırımlılar tarafından şairniñ 202 yıllığı munsabetinen ketirilgen edi. Bu aqta öz Feysbuk saifesinde jurnalist Aleksandr Polçenko bildirdi.

Onıñ sözlerine binaen, postamentten çiçeklerni qadın azbar hızmetçisi alıp qoymaqta edi, bu işni ise o, reberiyetniñ emiri ile yapqan.

Aleksandr Polçenko yerleştirgen videoda, açıq yelekte qadın körünmekte, o, abidege gülçemberler qoyulacağı sebebinden çiçeklerni bıtovkağa alıp qoyğanını añlatmaqta.

«Men boysunğan biri olam. Men olarnı alıp taşlamadım», - dep ayttı kommunal hızmetleriniñ vekili.

Abide ögünde toşlaqan qırımlılarnıñ talapları ile, qadın bıtovkanı açıp, çiçeklerini qaytardı, olarnı ise kene eykel ögüne yerleştirdiler.

Mart 9, çarşenbe künü, şair Taras Şevçenkonıñ 202 yıllığı munasebetinen Aqyar ve Aqmescitte onıñ eykeli ögünde gülçemberler qoyulğan.

FSB ve politsiya hadimleri şu aktsiyanı nezaret astında tutqanlar. Yaqalanuv aqqında haber olmadı.

2014 senesi Aqyarda Şevçenkonıñ eykeli ögünde çiçeklerniñ qoyulmasınen bağlı çatışma yüz berdi, onıñ neticesinde ukrain faalleri yaralanğan edi, faallerni politsiya hadimleri tutıp yaqalay edi.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG