Link açıqlığı

Ukraina Yuqarı Şurasınıñ deputatı, qırımtatar Milliy Meclisi yolbaşçısı Refat Çubarovnıñ fikirince, Rusiye kendi areketleri ile Turkiye ve Ukraina akimiyeti arasında olğan munasebetlerniñ eyileşmesinde yardımcı oldı.

«Daa bir qaç yıl evel rus siyasetçileri ukrain işdeşlerini devletniñ topraq bütünligini bozacaq turk mifik telükesinen qorquta ediler. Ankara ve Kiyev umumiy tecavuzcığa qarşı birleşmeleri içün Moskva er şeyni yaptı», - dep yazdı Feysbuk saifesinde Çubarov

Bunıñnen bir sırada o, Turkiye Cumhuriyetine yol alğan prezident Pötr Poroşenkonıñ başlığında olğan Ukraina resmiy delegatsiyasınıñ terkibine kirgeni aqqında tarif etti.

Ukraina ve Turkiye arasında munasebetler soñki bir qaç ay devamında faalleşti. Rusiyenen olğan zıddiyetten soñra, Turkiye halqara cemaatçılığınıñ Ukraina territorial bütünliginen, Rusiye tarafından yarımadanı işğal etkeninen bağlı mevamını qabul etip, kendi noqta - i nazarnı seslendirdi. Bunıñnen bir sırada Turkiye qırımtatarlarnen sıq bağlıdır, olarnıñ ekseriyeti Turkiye Cumhuriyetinde yaşamaqta.

XS
SM
MD
LG