Link açıqlığı

Qırımtatar yırcısı Camala halq ögünde Nadejda Savçenkoğa öz destegini bildirdi. Ukrain uçucığa mektüpni yırcı öz Feysbuk saifesinde yerleştirdi.

«Sen pek küçlü qadınsıñ, seniñ cesürligiñnen bütün alem airette qala! Biz pek seni evde bekleymiz! Ayatta qal! Sen bizge kereksiñ! », - dep yazdı Camala.

Bunıñnen bir sırada, Nadejda yırcınıñ «Yevrovideniye 2016» yarışına çıquvınen bağlı yapqan hayırlav sözlerine Camala büyük minetdarlıq bildirdi.

Mart 3 künü Nadejda Savçenko onı apis alınğanı ve Rusiyede üküm çıqarılğanına qarşı quru açılıqnı ilân etti.

Keçenlerde 2015 senesiniñ dekabr ayında Savçenko tabiy açlıqnı ilân etken edi. Soñki malümatlarğa binaen, sağlıq vaziyeti müşkülleşmekte. Savçenko ya ölüm astında, ya da saqat qala bile.

Nadejda Savçenko - Ukraina halq deputatı, Avropa Şurası parlament assambleyasınıñ Yuqarı Şura delegatı, Rusiyeniñ apisinde 2014 senesi yapılğan cinaiy iş boyunca bulunmaqta. Savçenkonı Ukrainada qanunsız bulunğan, rusiye devlet televideniyesınıñ eki hadiminiñ öldürmesinde, separatist gruppasınıñ suiqast öldürmesinde ve qanunsız Rusiye sıñırını keçmesinde qabaatlaylar. Rus prokurorları ukrain qadınnı 23 yılğa apiske atmağa talap eteler.

Nadejda Savçenko ve onıñ menfaatını qoruğan advokatlar makemege rus jurnalisterniñ elâk olğan vaqıtqa Savçenko separatistlerniñ esirinde bulunğanı, soñra ise isteksiz Rusiyege alıp çıqarılğanı aqqında bir çoq dalil ketirdiler. Amma makeme bu dalillerni qabul etmedi.

XS
SM
MD
LG