Link açıqlığı

Qırım yolbaşçısı Sergey Aksönovnıñ ömür arqadaşı Yelena Aksönova iddia etkeni kibi, olar qocasınen çoq yıllar devamında bu bayramnı qayd etmeyler. Bu aqta o, Krımskaya gazeta - sına berilgen intervyü devamında tarif etti.

«Biz çoq yıllardır qayd etmeymiz, çünki Klara Tsetkin ve Roza Lüksemburgnıñ bayramı - bu bizim «zayıf» alqamız degildir, aynı Valentin künü kibi. Razı oluñız, qadınğa çiçek bağışlamaq içün, mahsus ayırılğan bir künni beklemege acet yoq», - dep ayttı Aksönova.

Bundan evel Qırım yolbaşçısı Sergey Aksönovnıñ saytında bütün qırım qadın - qızlarına yollanğan Halqara künü ile tebrik sözleri yerleştirilgen edi. O, iddia etkeni kibi, «Qırım baari»nde qadınlar büyük rolni oynadılar.

OONnıñ qararı ile mart 8 künü qadınlarnıñ aqqı içün küreşi ve halqara barışıqnıñ Halqara künü olaraq qayd etile. Tarihte işçi qadınlarnıñ birdemlik ve musaviylik içün küreş künü kibi peyda oldı.

Ukraina ve Rusiyede bu kün resmiy olaraq Halqara qadınlar künü olaraq qayd etile.

XS
SM
MD
LG