Link açıqlığı

Kreml nezareti astında bulunğan Aqmescit şeer şurasınıñ kommunistler firqası bölügini temsil etken deputat Stepan Kiskin Qırım FSB ve prokuraturasına açıq mektüp yazdı. Bu mektüpte Stalinniñ hatıra tahtasına yapılğan«Cellât» sözüniñ müeliflerini tapmaq talabı aqqında söz yürütile.

Bu aqta Kiskin öz Facebook saifesinde haber etti. Onıñ sözlerine binaen, yazı mart 5-ten 6-na keçer gecesinde yapılğan.

Kiskin Stalinniñ memorial tahtasına yapılğan«Cellât» sözüniñ müeliflerini tapmağa talap ete

«İleride böyle adiselerniñ olmaması içün kerekli tedbirlerni keçirmege rica etem. Bizim vatanımıznıñ vatanperver tarihına vandallar böyle çirkin sürette yanaşamazlar, Büyük Ğalebeniñ generalissimusınıñ memorial tahtasını aramlamaq mümkün degil», – dep aytıla Kiskinniñ arizasında.

1945 senesi Qırımda ötkerilgen Yalta konferentsiyasında iştirak etken ve yarımadada bu sebepten bulunğan İ. V. Stalinniñ hatırasına memorial tahta yerleştirildi. O, KPRF Qırım cumhuriyet komitetiniñ binası duvarında Dolgorukov soqağı 10-A adresi boyunca qoyulğan.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG