Ukraina prezidenti Pötr Poroşenko mart 9-10 künleri Turkiye Cumhuriyetini resmiy şekilde ziyaret etecek.
Bu aqta Ukraina prezidentiniñ memuriyet matbuat hızmeti bildirmekte.
«Memleket başı Turkiye prezidenti Recep Tayip Erdogan, Turkiye baş - naziri Ahmet Davutoglu ve Turkiye büyük milliy meclisniñ yolbaşçısı İsmail Kahramannen körüşüvlerni keçirmege planlaştıra», - dep aytıla mesacda.
Matbuat hızmetiniñ malümatına binaen, ziyaret çerçivesinde Ukraina ve Turkiye arasında yüksek dereceli Strategik şurasınıñ beşinci oturışı keçirilecek. Bunıñnen bir sırada, Turkiye iş adamları ile körüşüvler de ötkerilecek.
