Link açıqlığı

Qırımtatar Eskender İslâmov mart 6 künü «Devlet sesi» yarışınıñ altıncı sezonında, soqur diñleme etapında «Too Close» yırını icra etip, muvafaqiyetni qazandı. İslâmov yarışnıñ nevbetteki turına keçti, anda ise onıñ ocası belli ukrain yırcısı Svâtoslav Vakarçuk olacaq.

«Siz göñüliñiz, vezin, energiya ve keyfiñizden başqa bir şey köstermege ıntılmaysıñız. Bu pek duyıla. Siz raat ediñiz, kendi muzıkañızda ediñiz. Siz vezinni pek yahşı is etesiñiz, bugünki künde bu pek nadir bir şeydir», - dep ayttı Vakarçuk qırımtatar muzıkantına.

Eskender İslâmov Vakarçuknen beraber qırımtatar tilinde yırnı icra etmek istegeni aqqında ayttı, ukrain muzıkantı ise öz nevbetinde er kes ögünde bunı «büyük memnüniyetnen» yapacağına söz berdi.

Eskender İslâmov, 34 yaşındaki muzıkant, 7 yıl qırımtatar teatriniñ aktörı edi, Qırımdan 2014 senesi fevral ayında ketti ve şimdiki vaqıtta Lvov şeerinde yaşamaqta.

2015 senesiniñ fevral ayında «Ses balalar» adlı ukrain istidat - şounda qırımlı qız iştirak etip, qırımtatar tilinde icra etilgen yırınen jüri azalarını airette qaldırdı. İslâm - Terekniñ sakini 12 yaşındaki Aliye Bekirova «Dohtur» adlı qırımtatar yırını icra etip, üç jüri azasından da taqdir aldı.

Bu sene «Yevrovideniye - 2016» yırlar yarışında Ukrainanı qırımtatar yırcısı Camala taqdim etecek. O, qırımtatar halqına qarşı yapılğan stalin rejiminiñ repressiyalarına bağışlanğan «1944» adlı türküni icra etecek.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG