Avropadaki telükesizlik ve işbirlik boyunca teşkilâtınıñ qayd etkenine köre, Ukraina şarqında yüz bergen çatışma devamında 10 000 insan elâk oldı. Bu aqta ОBSEniñ Kiyevdeki mahsus monitoring gruppasınıñ yolbaşçısı muavini Aleksandr Gug bildirdi.
«Bizim araştırlarımızğa binaen, 10 000 insan elâk oldı ve çatışmanıñ eki senesinden soñ, eki tarafbu davanı bitirmek içün ciddiy yanaşmalarına azır olğanlarını köremiz. SMM OBSE mıtlaq öz issesini qoşacaq, vaziyetniñ eyileşmesinde mıtlaq eki tarafqa da qol tutacaq. Bu meseleniñ ketişatını biz obyektiv olaraq nezaret etecekmiz», - dep ayttı Gug
Keçenleri OONnıñ Ukrainadaki nezaret etici missiya Ukraina çatışması devamında 9167, evel ise 21 000 elâk olğan adamlar aqqında haber etken edi.
Donbasstaki cenk 2014 senesi aprel ayından başlap devam etmekte. O vaqıt Ukraina akimiyeti Donetsk ve Lugansk velâyetlerinde antiterroristik operatsiyalarnıñ keçirilmesini ilân etti. Donbass, Donetsk ve Lugansknıñ bir sıra meskün yerleri Rusiyeniñ yardımını körgen boyeviklernen işğal etilgen.
