Link açıqlığı

Saatnıñ esas haberi

Yazda Qırımnıñ bütün turistik obyektleri yarıqnen temin etilecek - Novak


Rusiye energetika naziri Aleksandr Novak haber etkeni kibi, Kurort mevsimi devamında, Qırımnıñ bütün turistik obyektleri «bütünley yarıqnen temin etilecektir».

Bu aqta o, mart 4 künü Aqmescitte ötkerilgen toplaşuv çerçivesinde bildirdi.

«Bu mesele Rusiye energetikası nazirligi ve Qırım akimiyetiniñ daimiy nezareti astında olmaqta. Köz ögüne energo köpürniñ ekinci ağını, generatsiyanıñ qoşma imkânlarını, elektrik menbalarınıñ yedeklerini alsaq, yaz vaqıtında bütün turistik obyektleri elektriknen temin etilecegine eminim», - izaatlay TASS rus agentligi Aleksandr Novakovnıñ sözlerini.

Kreml nezaret astında bulunğan Qırım akimiyetiniñ yolbaşçısı Sergey Aksönov rus ministrniñ sözlerini imaye etti.

Qırımda 2015 senesiniñ noyabr 22 kününden başlap Ukrainadan elektrik berilmesiniñ toqtatılması sebebinden Fevqulade Vaziyet kirsetilgen. Herson vilâyetinde yerleştirilgen elektrotayamanıñ ihtimal patlavı sebebinden Ukrainadan Qırımğa elektrik energiyasınıñ kelmesi toqtatıldı. Şimdiki vaqıtta Qırımğa 250 megavat bergen elektrik keçirme ağı tamir etilgen, lâkin yarımadağa onıñ temin etilmesi añlaşma bitkeni içün berilmey.

Şimdiki vaqıtta, Rusiye tarafından işğal etilgen Qırım kendi generatsiya, Rusiyeden generator tertibatı ve Kubandan yapılğan energo köpüri yardımı ile teminlene. Köpür böyle yükke dayanamay, bundan sebep sıq olğan qazalar yüz bermekte.

Energo köpürniñ 3 ve 4 ağı kirsetilmesi 2016 senesi mayıs 1 kününe belgilendi.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG