Link açıqlığı

Rusiye Tış İşler nazirliginde Amerika Qoşma Ştatlarınıñ sanktsion siyasetini istiqbalsiz körmekte


Rusiyege nisbetten Amerika Qoşma Ştatlarnıñ sanktsiyalar uzatması areketi «esas halqara problemalarda eki devletniñ ihtimal işbirlik imkânını yoq ete». Bu aqta mart 3 künü Rusiye Federatsiyasınıñ Tış İşler Nazirligi bildirdi.

Qayd etilgeni kibi, Amerika Qoşma Ştatlarınıñ sanktsiyalar siyaseti «istiqbalsizdir», Moskva ise «rusiye menfaatına uyğan» cevap tedbirlerni kerçekleştire bile.

İzaatta aytılğanı kibi, sanktsiyalar ukrain krizisini çezmege yardım etmey, rusiye - amerikan munasebetlerini ise «param - parça» ete bile.

Mart 2 künü Amerika Qoşma Ştatlarınıñ prezidenti Barak Obama Rusiye tarafından Ukrainağa qarşı yapılğan basqıncılıq içün kirsetilgen sanktsiyalarnıñ vaqıtını 2017 senesiniñ mart 6 kününe qadar uzattı.

Fermanda bildirilgeni kibi, Rusiye akimiyeti yapqan areketleri ve siyaseti içün, mında Qırım işğali arizası ve Ukrainanıñ bir - de - bir yerinde küçniñ işletilmesi aqqında söz yürütile, 2014 senesinden başlap kirsetilgen bir sıra sanktsiyalarnıñ uzatılması belgilendi.

Obama qayd etkeni kibi, Rusiyeniñ bu areketleri demokratik protsesslerini ve Ukraina institutını yoq ete, bütün dünyanıñ havsızlığı, istiqrarı, mustaqillik ve territorial bütünligini telükege atmaqta.

Amerika Qoşma Ştatlarından ğayırı Avropa birligi ve «Yediniñ gruppası» devletleri tarafından Rusiyeniñ iqtisadiy ve uquqiy faaliyetinen oğraşqan insanlar, cemaat teşkilâtları ve işhanelerge qarşı 2014 senesiniñ baarinden başlap bir sıra sanktsiyalar kirsetildi.

Arizada qayd etilgeni kibi Ukraina şarqınıñ vaziyetine qarışuvı içün kirsetilgen sanktsiyalar Rusiye tarafından minsk añlaşmalarınıñ mecburiyetlerini yapmağanına qadar, Qırımnıñ işğalinen bağlı sanktsiyalarnıñ kirsetilmesi ise, yarımadanıñ qaytarmasına qadar devam etecek.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeheriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG