Rus Federatsiyasınıñ Qırımdaki akimiyeti 2016 senesi demiröl naqliyatınıñ inkişafına 6,8 mlrd ruble yollaycaq. Bu aqta Rusiye nezareti astında bulunğan qırım akimiyetiniñ matbuat hızmeti bildirmekte.
«Qırım federal yerinde demiröl naqliyatınıñ umumiy qullanmasına bücet maliyeniñ ayırması" aqqında uyğun emir rus akimiyetiniñ resmiy saytında yerleştirilgen.
Matbuat hızmette qayd etkenleri kibi, maliye Qırım demir yolunıñ infrastrukturasına da ayırılğan, çünki yañı naqliyatnıñ Keriç boğazında qurulğan köpürden keçmesi planlaştırıla. »
Paranı Rusiye bücetinden ayırmağa vade eteler.
Qırım işğal etilgen soñ demiröl alâqa vastası deyyerlik toqtatıldı. Bugünki künde Aqmescit demiröl vokzalı boştır.
Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeheriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.
