Link açıqlığı

Qırımda sene başından aqbardaqlarnıñ qanunsız işletilüvi boyunca 92 385 çiçek musadere etildi, ketirilgen zarar 41,5 mln rubleni teşkil etti, bu aqta Kreml nezaret astında bulunğan qırım ekologiya nazirligini matbuat hızmeti bildirmekte.

Haber etilgeni kibi, nazirlik inspektoreri 2016 senesiniñ fevral ayında qızıl kitabı ösümlikleriniñ qanunsız satıluvını toqtatmaq içün bir sıra nezaret tedbirlerini keçirdi.

«Keçirilgen tedbirler devamında aqbardaqlarnıñ qanunsız toplama ve satuvı meydanğa çıqarıldı. Yoq oluv havfı astında qalğan bu çiçekler Rusiye Qızıl Kitabına kirsetilgen, olarnıñ qanunsız qullanması ise Rusiye KoAP - nıñ 8. 35 maddesine köre mesülietke çekilecek», - dep yazıla mesacda.

Memuriy qanun bozuvınen bağlı 15 protokol tizilgen. Qanunnı bozğanlarnı memuriy mesülietke çekmesi ve nebatlarnı musadere etmesinen bağı vesiqalar makemege yollanıldı. Dört insan saqlandı, bundan sebep olar aqqında qıdıruv ilân etildi.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG