Link açıqlığı

2015 senesi avgust 11 künü Veldar Şukurciyev Aqmescitniñ Lenin meydanında ukraina bayrağınen foto yapmağa ıntılğanı içün Qırımdaki makeme oña para cezasını belgilemek qararına keldi.

Cemaat faali feysbukta bildirgeni kibi, cöreme cezası 10 biñ rubleni teşkil etti, faqat onı ödemege niyeti yoq.

«Aqmescit merkez makemesiniñ qararı ile 2015 senesi avgust 11 künniñ işi boyunca 10 biñ ruble cöreme cezası belgilendi. Apellâtsiya olacaq, amma neticege baqmadan cezanı ödemeycem», - dep yazdı o.

2015 senesi avgust 11 künü moskvalı advokat İrina Birükova, Veldar Şukurciyev ve daa bir qaç faal qırımlılar Aqmescitniñ Lenin meydanında ukraina bayrağınen yapılğan foto içün yaqalandılar.

Fevral 5 künü Rusiye sıñırcıları Qırım kirişinde Ukrainağa qoltutqan faal Veldar Şukurciyevni yaqalap, oña Qırımğa kirişni yasaq etecek ediler.

2015 senesi noyabr 24-de onı yarımada kirişindeki «Kalançak» kiriş noqtasında yaqalağan ediler. Sebebini añlatmayıp, onı 7 saat tutqanlar.

Veldar Şukurciyev Qırımdaki Ukrain medeniyet merkeziniñ tesisçilerinden biri ola. Ukraina timsallerini qullanğanından sebep Aqmescitte Rusiye politsiyasınıñ hadimleri tarafından bir qaç kere yaqalanğan edi.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG