Link açıqlığı

Rusiye nezaret astında bulunğan Qırım Yolbaşçısı Sergey Aksönov tasdıqlağanı kibi, «Kuban - Qırım» energo köpürniñ qurulması cedvel boyunca, keriliksiz ketmekte.

Bu aqta Rusiye akimiyetiniñ matbuat hızmeti bildirmekte.

«Energo köpür toqtamadan qurula. İş plan boyunca ketmekte. Eminim, prezident (Rusiye) tarafından bütün qurucı ve resmiy şahıslarğa avale etilgen tezleştirüvden soñ, köpür planlaştırılğan vaqıttan evel çalışıp başlar», - dep ayttı Aksenov.

O, hatırlatqanı kibi, evel resmiyleştirilgen plan boyunca, energo köpürniñ 3 ve 4 ağı açılması 2016 senesi mayısnıñ1 planlaştırılğan.

Ukrainadan energiyanıñ temin etilmesi toqtatılğanı sebebinden Qırımda 2015 senesiniñ noyabr 22 başlap Fevqulade Vaziyet kirsetilgen.

Herson vilâyetinde yerleştirilgen elektrotayamanıñ ihtimal patlavı sebebinden Ukrainadan Qırımğa elektrik energiyasınıñ kelmesi toqtatıldı. Şimdiki vaqıtta Qırımğa 250 megavat bergen elektrik keçirme ağı tamir etilgen, lâkin yarımadağa onıñ temin etilmesi añlaşma bitkeni içün berilmey.

Şimdiki vaqıtta, Rusiye tarafından işğal etilgen Qırım kendi generatsiya, Rusiyeden generator tertibatı ve Kubandan yapılğan energo köpüri yardımı ile teminlene. Köpür böyle yükke dayanamay, bundan sebep sıq olğan qazalar yüz bermekte.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG