Aqmescitte mezkür ötmek kombinatı olğan yerde Makeme departament idaresi binasınıñ qurulması planlaştırıla.
Bu aqta Rusiye nezaret astında bulunğan Aqmescit memuriyetniñ matbuat hızmeti bildirmekte.
Berilgen malümatlarğa binaen, «Adliye sarayı» Dıbenko soqağında qurulacaq.
«Bina inşaatı bu sene başlaycaq. O şeherimizniñ mimarcılığına yahşı uyar», - dep qayd etti Aqmescitteki rusiye memuriyet yolbaşçısı Gennadiy Baharöv.
Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.
