Link açıqlığı

Ukraina tış işler nazirliginiñ yolbaşçısı Pavel Klimkin bildirgeni kibi, Qırım Rusiye tarafından işğal etilgen soñ, «renksiz yerge» çevirildi, anda «qanunsızlıq, terror, qorqutuv, adamlarnıñ yoq oluvı ve qıynavlar üküm sürmekte.»

Bu aqta o, Jenevada keçirilgen insan aq-uquqları boyunca OON şurasınıñ toplaşuvında bildirdi.

«İşğalci akimiyet esas uquq ve azatlıqnıñ devamlı ve keñmiqyaslı bozulmasını ömürge keçire, dissidentlerge qarşı gizli muarebe eteler, ukrain ve qırımtatar halqlarınıñ til, din ve medeniy hususiyetlerini yoq eteler.»- ayırıca qayd etti nazir.

Bunıñnen bir sırada OONnıñ insanlar aq qoruması boyunca şurasını tek Qırımda yaşağanlar aq-uquqlarınıñ vaziyetine degil de, bütün Rusiye vetandaşlarına diqqat etmege muracaat etti. Onıñ fikirince, insannıñ uquq vaziyeti bettereşince, Rusiyeniñ şimdiki yolbaşçıları içün grajdanlıq cemiyetini böyle alda tutılması, basqıncı ekstremizm, milletçilik, neonatsizm ve ksenofobiyanıñ peyda olması normal bir şey oldı.

Bundan evel haber etilgeni kibi, Klimkin OON toplaşuvında çıqışta bulunır eken, Qırımda insan uquq saasınıñ vaziyetini monitoringini keçirmek içün, yarımadada halqara teşkilâtları vekilleriniñ daimiy bulanuvı kerekligi aqqında ayttı.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG